អន្តរជាតិ៖ នៅពេលដែលរុស្សី ចាប់ផ្តើមវាយប្រហារមកលើរដ្ឋធានីគៀវ របស់អ៊ុយក្រែន ទារកម្នាក់ក៏កំពុងកើតនៅក្នុងបន្ទប់ក្រោមដីនៃមន្ទីរពេទ្យសម្ភពក្នុងទីក្រុង។

លោកស្រី Alena Shinkar ត្រូវបានគេបញ្ជូនទៅមន្ទីរពេទ្យសម្ភពមួយក្នុងទីក្រុងគៀវកាលពីពីរសប្តាហ៍មុនដោយសារ តែឈឺពោះឆ្លងទន្លេ។ លុះព្រឹកឡើងថ្ងៃទី២៤ ខែកុម្ភៈ គាត់បានភ្ញាក់ពីព្រលឹមដោយសំឡេងផ្ទុះក្បែរនោះ។

Alena បានឱ្យដឹងថានេះជាកូនដំបូងរបស់នាង។

ដោយសារតែស្ថានភាពបច្ចុប្បន្នពិបាកនឹងទទួលយកបង្កដោយសង្រ្គាមគាត់បាននិយាយថា៖ «យើងកំពុងរស់នៅក្នុងនរកពិតប្រាកដ។ ខ្ញុំមិននឹកស្មានថារឿងបែបនេះអាចកើតឡើងនៅសតវត្សរ៍ទី ២១ នៅក្នុងរដ្ឋធានីនៃប្រទេសអ៊ឺរ៉ុបនោះទេ»។

គាត់និយាយដោយទឹកមុខក្រៀមក្រំសង្ឃឹមថាកូនម្នាក់នេះនឹងឃើញសន្តិភាព។

គ្រូពេទ្យ Yula ដែលបានសម្រាលកូនប្រុសរបស់គាត់ឈ្មោះ Mark កាលពីថ្ងៃទី ២៨ ខែកុម្ភៈបាននិយាយថា៖ «យើងមានសុវត្ថិភាពនៅទីនេះ បុគ្គលិកល្អៗកំពុងធ្វើការនៅទីនេះ ហើយយើងមានមោទនភាពយ៉ាងខ្លាំងចំពោះពួកគេ»៕